பிலாக்குறிச்சி கிராம மக்கள் குடிநீருக்காக அவதி: 45 நாள்களாக விநியோகம் நிறுத்தம்

அரியலூா் மாவட்டம் செந்துறை அருகேயுள்ள பிலாக்குறிச்சி கிராமத்தில் கடந்த 45 நாள்களாக குடிநீர்ப் பற்றாக்குறை நீடித்து வருகிறது. மின்மோட்டாா் பழுதும், ஆழ்துளைக் கிணற்றில் நீா்மட்டம் குறைந்ததுமால் குடிநீர் விநியோகம் முற்றிலும் நிறுத்தப்பட்டுள்ளதாக மக்கள் தெரிவித்தனர்.

இதனால் காலை, மாலை அருகிலுள்ள கிணறுகள், ஏரி, குளங்களை நாடிச் சென்று சேற்று நீரை எடுக்கும் நிலை ஏற்பட்டுள்ளது. பெண்கள், முதியவர்கள் நீண்ட தூரம் நடந்து நீர் எடுத்து வருவதாகவும், குழந்தைகளின் பள்ளிக்குச் செல்லும் நடைமுறையும் வீட்டு அன்றாடப் பணிகளும் பாதிக்கப்பட்டுள்ளதாகவும் அப்பகுதி மக்கள் கூறினர். புதிய ஆழ்துளைக் கிணறுகள் அமைத்து, பழுதான மின்மோட்டார்களை சரி செய்ய மாவட்ட நிர்வாகம் நடவடிக்கை எடுக்க வேண்டும் என்று அவர்கள் வலியுறுத்தினர்.