தெற்கு ரயில்வேயில் 3 புதிய ரயில் பாதை திட்டங்களுக்கு ஒப்புதல்

தெற்கு ரயில்வேயின் நெரிசல் மிகுந்த தடங்களில் கூடுதல் ரயில் பாதைகளை அமைக்கும் திட்டங்களுக்கு ரயில்வே வாரியம் ரூ.2,576 கோடி ஒதுக்கீடு செய்து ஒப்புதல் அளித்துள்ளது. இதில் தாம்பரம் - செங்கல்பட்டு இடையே 4-வது புதிய பாதை அமைக்கும் திட்டம் ரூ.713 கோடியில் செயல்படுத்தப்பட உள்ளது.

மேலும், அரக்கோணம் - செங்கல்பட்டு மற்றும் ஈரோடு - கரூர் வழித்தடங்களிலும் புதிய இரட்டைப் பாதை மற்றும் கூடுதல் பாதை அமைக்கும் பணிகள் நடைபெற உள்ளன. இத்திட்டங்கள் நிறைவடையும் போது கூடுதல் ரயில்களை இயக்க வழிவகை பிறக்கும் என ரயில்வே அதிகாரிகள் தெரிவித்துள்ளனர்.

செய்தி மூலம்: இந்து தமிழ் திசை