வில்லிவாக்கத்தில் தங்கியிருந்த 3 வங்கதேசத்தினர் பிடிபட்டனர்: கியூ பிராஞ்ச் சிஐடி போலீஸார் விசாரணை

சென்னை வில்லிவாக்கத்தில் உள்ள தர்காஸ் சாலையில் தங்கியிருந்த வங்கதேசத்தைச் சேர்ந்த 3 பேரை கியூ பிராஞ்ச் சிஐடி போலீஸார் பிடித்துள்ளனர். ஜாகிர் பக்கீர், அப்துல் சலாம் சித்தாரி (71), ஆரிப் சித்தாரி (22) என அடையாளம் காணப்பட்டுள்ள அவர்கள், வங்கதேசத்தின் மோரேல்கஞ்ச் காவல் நிலைய எல்லைக்குட்பட்ட பகுதியைச் சேர்ந்தவர்கள் என தெரியவந்துள்ளது.

செங்கல்பட்டு மாவட்ட கியூ பிராஞ்ச் சிஐடி ஆய்வாளர் நித்யா தலைமையிலான குழுவினர், அவர்கள் இந்தியாவில் தங்கியிருப்பதற்கான ஆவணங்களை ஆய்வு செய்தனர். சட்ட நடைமுறைகளுக்குப் பிறகு, அவர்கள் மூவரும் சேலத்தில் உள்ள வங்கதேச அகதிகள் முகாமிற்கு அனுப்பி வைக்கப்பட்டனர்.

தொடர்ந்து, அவர்கள் எப்போது தமிழகத்திற்கு வந்தனர், யாருடைய உதவியுடன் தங்கியிருந்தனர் மற்றும் யாருடனும் தொடர்பு உள்ளதா என்பது குறித்து போலீஸார் தொடர்ந்து விசாரணை நடத்தி வருகின்றனர்.

செய்தி மூலம்: இந்து தமிழ் திசை