114 மாணவர்களுக்கு காளீஸ்வரி ஃபவுண்டேஷன் சார்பில் கல்வி உதவித்தொகை

சென்னை காளீஸ்வரி ஃபவுண்டேஷன் சார்பில், 114 இளங்கலை மாணவர்களுக்கு கல்வி உதவித்தொகை வழங்கப்பட்டுள்ளது. காளீஸ்வரி குழும நிறுவனரின் பெற்றோர் நினைவாக 2021-ம் ஆண்டு முதல் இத்திட்டம் செயல்படுத்தப்பட்டு வருகிறது.

இதுவரை மொத்தம் 718 மாணவர்கள் இத்திட்டத்தின் மூலம் பயனடைந்துள்ளனர். கல்வித் திறனை நிரூபித்துள்ள, பொருளாதார ரீதியாகப் பின்தங்கிய மாணவர்களின் கல்விச் சுமையைக் குறைப்பதே இத்திட்டத்தின் நோக்கம் என்று அறங்காவலர் முனுசாமி விழாவில் தெரிவித்தார்.

கல்வி உதவித்தொகை மட்டுமின்றி, அறுவை சிகிச்சைகளுக்கும், அரசு மருத்துவமனைகள் மற்றும் ஆரம்ப சுகாதார நிலையங்களில் உட்கட்டமைப்பு வசதிகளை மேம்படுத்தவும் இஃபவுண்டேஷன் நிதி உதவி வழங்கி வருகிறது.

செய்தி மூலம்: இந்து தமிழ் திசை