மெட்ரோ ரயில் முதல்கட்டத் தடத்தில் 6 பெட்டிகள் கொண்ட 28 ரயில்களை வாங்க ஆலோசகர் நியமனம்

சென்னை மெட்ரோ ரயில் முதல்கட்டத் தடத்தில் பயணிகளின் எண்ணிக்கையை அதிகரிக்க, 6 பெட்டிகள் கொண்ட 28 புதிய ரயில்களை வாங்க மெட்ரோ ரயில் நிறுவனம் திட்டமிட்டுள்ளது.

இதற்கான திட்ட மேலாண்மை மற்றும் ரயில்களைக் கொள்முதல் செய்யும் பணிகளுக்காகத் தகுதியான ஆலோசகரைத் தேர்வு செய்யும் பணிகள் நடைபெற்று வருகின்றன. இதற்கான ஏல அறிவிப்பு ஏற்கனவே வெளியிடப்பட்டு, அடுத்த மாதம் ஏலங்கள் திறக்கப்பட உள்ளன.

தற்போது 54 கி.மீ. தொலைவு கொண்ட முதல்கட்டத் தடத்தில் ரயில்களை இயக்குவதற்கான உள்கட்டமைப்பை மேம்படுத்தவும் இந்த ஆலோசகர் உதவியாக இருப்பார். ரயில்கள் வந்து சேர சுமார் 2 ஆண்டுகள் ஆகும் என்பதால், இந்த நடவடிக்கை முன்னதாகவே மேற்கொள்ளப்பட்டுள்ளது.

செய்தி மூலம்: இந்து தமிழ் திசை