ஏடிஎம் இயந்திரத்தை உடைத்து கொள்ளையில் ஈடுபட முயன்றவர் கைது

சென்னை கொளத்தூரில் உள்ள வங்கி ஏடிஎம் இயந்திரத்தை உடைத்து கொள்ளையில் ஈடுபட முயன்ற அசாம் மாநிலத்தைச் சேர்ந்த பீம் பகதூர் சேத்ரி (27) என்பவரை போலீஸார் கைது செய்தனர்.

கடந்த 18-ம் தேதி அதிகாலை, இரும்பு கம்பி மூலம் ஏடிஎம் இயந்திரத்தின் பணப்பெட்டியை உடைக்க முயன்றுள்ளார். பணப்பெட்டியை உடைக்க முடியாததால், அங்கிருந்த கண்காணிப்பு கேமரா மற்றும் மின்காந்த பூட்டுகளை சேதப்படுத்தியுள்ளார். இது குறித்து வழக்குப் பதிவு செய்த போலீஸார், அவரை கைது செய்து விசாரித்து வருகின்றனர்.

செய்தி மூலம்: இந்து தமிழ் திசை