கோவை மாவட்டத்தில் கஞ்சா விற்ற 5 பேர் கைது

கோவை மாவட்டத்தில் கஞ்சா விற்பனையில் ஈடுபட்டதாக 5 பேர் கைது செய்யப்பட்டுள்ளனர். பீளமேடு பகுதியில் ரோந்து பணியின்போது பள்ளி அருகே சந்தேகத்திற்கு இடமாக நின்றுகொண்டிருந்த மணிகண்டன் (20) என்பவரைப் பிடித்த போலீஸார், அவரிடமிருந்து 1 கிலோ 250 கிராம் கஞ்சாவைப் பறிமுதல் செய்தனர்.

மற்றொரு சம்பவத்தில், ராமநாதபுரம் போலீஸார் ரோந்து பணியின்போது புலியகுளம் சாலையில் சாரலஸ் (30) என்பவரை கஞ்சா விற்பனைக்காக வைத்திருந்த குற்றத்திற்காகக் கைது செய்தனர். இதனிடையே, பொள்ளாச்சி தாலுகா போலீஸார் நல்லூர் பகுதியில் ரோந்து சென்றபோது, சந்தேகத்திற்குரிய நபர்களான பரத் கண்ணன் (22), சங்கர் கணேஷ் (20) மற்றும் கேரள மாநிலத்தைச் சேர்ந்த நபர் ஒருவரையும் கைது செய்தனர். இவர்களிடமிருந்து 1 கிலோ 100 கிராம் கஞ்சா பறிமுதல் செய்யப்பட்டது.

செய்தி மூலம்: இந்து தமிழ் திசை