தெருநாய்களுக்கு வெறிநோய் தடுப்பூசி செலுத்தும் சிறப்பு முகாம்

கோவை மாநகராட்சி மற்றும் ரோட்டரி கிளப் ஆஃப் கோயம்புத்தூர் ஸ்மார்ட்சிட்டி அமைப்பு இணைந்து, தெருநாய்களுக்கு வெறிநோய் தடுப்பூசி செலுத்தும் சிறப்பு முகாமைத் தொடங்கியுள்ளன. மாநகராட்சி ஆணையர் கட்டா ரவிதேஜா இந்த முகாமைத் தொடங்கி வைத்தார்.

மாநகராட்சி பகுதியில் உள்ள சுமார் 1 லட்சத்து 20 ஆயிரம் தெருநாய்களுக்கு தடுப்பூசி செலுத்த இலக்கு நிர்ணயிக்கப்பட்டுள்ளது. தடுப்பூசி செலுத்தப்படும் நாய்களின் விவரங்கள் 'வேர்ல்டு வெடனரி சர்வீஸ்' செயலியில் டிஜிட்டல் முறையில் பதிவு செய்யப்படுகின்றன. இது வெறிநோய் தடுப்பிலும் பொது சுகாதாரத்திலும் முக்கிய பங்காற்றும் என அதிகாரிகள் தெரிவித்தனர்.

செய்தி மூலம்: இந்து தமிழ் திசை