சிங்கப் பெண் அதிரடிப் படையின் விழிப்புணர்வு பணிகள்

தமிழகத்தில் பெண்கள் மற்றும் சிறார்களின் பாதுகாப்பை உறுதி செய்ய தமிழக அரசு அறிமுகப்படுத்திய 'சிங்கப் பெண் சிறப்பு அதிரடிப் படை' கோவையில் தீவிரமாகச் செயல்பட்டு வருகிறது. பள்ளி, கல்லூரி, பேருந்து நிலையங்கள் மற்றும் பொது மக்கள் அதிகம் கூடும் இடங்களில் இப்படையினர் விழிப்புணர்வு ஏற்படுத்தி வருகின்றனர்.

மாநகர காவல் ஆணையர் என்.கண்ணன் தலைமையில் நடைபெற்ற ஆய்வு கூட்டத்தில், இப்படையின் செயல்பாடுகள் குறித்த விவரங்கள் தெரிவிக்கப்பட்டன. 1091 என்ற உதவி எண் மூலம் பெறப்பட்ட புகார்களின் அடிப்படையில் துரித நடவடிக்கைகள் எடுக்கப்பட்டு வருவதாகவும் அதிகாரிகள் கூறினர்.

செய்தி மூலம்: இந்து தமிழ் திசை