கோவை: ஆவாரம்பாளையம், குளத்தேரி சாலைகளில் அபாயகரமான தரைப்பாலங்கள் - சீரமைக்க கோரிக்கை

கோவை ஆவாரம்பாளையம் மகாத்மா காந்தி சாலையில் உள்ள தரைப்பாலத்தின் தடுப்புச் சுவர்கள் சேதமடைந்துள்ளதால், வாகன ஓட்டிகள் விபத்தில் சிக்க வாய்ப்புள்ளதாக பொதுமக்கள் அச்சம் தெரிவித்துள்ளனர். இப்பகுதியில் அதிகளவில் பள்ளி மாணவர்கள் மற்றும் கனரக வாகனங்கள் செல்வதால், பாலம் இடிந்து விழும் அபாயம் உள்ளது.

இதேபோல், சிங்காநல்லூர் குளத்தேரி சாலையில் ஓடையின் தடுப்புச் சுவர்கள் போதிய உயரமின்றி வெறும் 2 அடி அளவில் மட்டுமே கட்டப்பட்டுள்ளதாகப் புகார் எழுந்துள்ளது. இது தேசிய நெடுஞ்சாலைத் துறையின் சார்பில் சமீபத்தில் கட்டப்பட்டாலும், உயரம் குறைவாக இருப்பதால் வாகனங்கள் ஓடைக்குள் விழுந்து விபத்து ஏற்பட நேரிடலாம் என எச்சரிக்கின்றனர்.

எனவே, சம்பந்தப்பட்ட துறையினர் ஆவாரம்பாளையம் தரைப்பாலத்தைப் புதுப்பிக்கவும், குளத்தேரி சாலை ஓடை தடுப்புச் சுவரை உரிய உயரத்தில் பாதுகாப்பாக அமைக்கவும் துரித நடவடிக்கை எடுக்க வேண்டும் என சமூக ஆர்வலர்களும் பொதுமக்களும் வலியுறுத்தியுள்ளனர்.

செய்தி மூலம்: இந்து தமிழ் திசை