உடுமலை விவசாயிகள் சங்க மாநாடு: பல்வேறு தீர்மானங்கள் நிறைவேற்றம்
உடுமலை விவசாயிகள் சங்க மாநாட்டில், உழவர் சந்தையை மேம்படுத்துதல் உள்ளிட்ட பல்வேறு கோரிக்கைகளை வலியுறுத்தி தீர்மானங்கள் நிறைவேற்றப்பட்டன.
உடுமலையில் தமிழ்நாடு விவசாயிகள் சங்கத்தின் நகர மாநாடு நடைபெற்றது. தலைவர் மோகன்ராஜ் தலைமை வகித்த இம்மாநாட்டில், உழவர் சந்தையை மேம்படுத்தவும், அங்கு பொதுக் கழிப்பறை மற்றும் குடிநீர் வசதிகளை ஏற்படுத்தவும் தீர்மானம் நிறைவேற்றப்பட்டது.
மேலும், பழுதடைந்த பி.ஏ.பி கால்வாய்களைச் சீரமைக்க வேண்டும், விவசாயிகளின் பயிர்க் கடன்களை முழுமையாகத் தள்ளுபடி செய்ய வேண்டும் மற்றும் நியாயவிலைக் கடைகள் மூலம் தேங்காய் எண்ணெய் விற்பனை செய்ய நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன. இதில் புதிய நிர்வாகிகள் தேர்வு செய்யப்பட்டனர்.
செய்தி மூலம்: இந்து தமிழ் திசை