கோவை: சுற்றுலாத்துறை அமைப்புசாரா தொழிலாளர்களுக்கு ஓய்வூதியத் திட்டம் - விண்ணப்பிக்க அழைப்பு

மத்திய அரசின் பிரதான் மந்திரி சிரம யோகி மந்தன் (PMSYM) ஓய்வூதியத் திட்டத்தில் இணைய சுற்றுலாத்துறை சார்ந்த அமைப்புசாரா தொழிலாளர்களுக்கு கோவை மாவட்ட நிர்வாகம் அழைப்பு விடுத்துள்ளது. 18 முதல் 40 வயதுக்குட்பட்ட தொழிலாளர்கள் இத்திட்டத்தில் இணைந்து, 60 வயதிற்குப் பிறகு மாதம் ரூ. 3,000 ஓய்வூதியம் பெறலாம்.

தகுதியுள்ளவர்கள் ஆதார் அட்டை, வங்கிப் புத்தகம் மற்றும் அலைபேசி எண்ணுடன் அருகில் உள்ள பொது சேவை மையத்திலோ அல்லது maandhan.in என்ற இணையதளத்திலோ பதிவு செய்யலாம். கூடுதல் விவரங்களுக்கு மாவட்ட சுற்றுலா அலுவலர் ஜெகதீஸ்வரியை 8939896380 என்ற எண்ணில் தொடர்பு கொள்ளலாம் என மாவட்ட ஆட்சியர் பவன்குமார் ஜி. கிரியப்பனவர் தெரிவித்துள்ளார்.

செய்தி மூலம்: Coimbatore District Administration - Press Releases