தர்மபுரியில் ரூ.2,000 கோடி முதலீட்டில் புதிய தொழிற்சாலை: பிரேசில் நிறுவனம் திட்டம்

பிரேசில் நாட்டைச் சேர்ந்த முன்னணி மின்சார மற்றும் தொழில்துறை நிறுவனமான டபிள்யூ.இ.ஜி (WEG), தமிழ்நாட்டின் தர்மபுரியில் தனது உலகளாவிய உற்பத்தி வளாகத்தை அமைக்க உள்ளது. இதற்காக சுமார் 2,000 கோடி ரூபாய்க்கும் அதிகமான முதலீட்டை அந்நிறுவனம் மேற்கொள்ளவுள்ளது. இந்தத் திட்டத்திற்காக 98 ஏக்கர் நிலத்தை நிறுவனம் ஏற்கனவே கையகப்படுத்தியுள்ளது.

ஆந்திரப் பிரதேச மாநிலத்துடன் போட்டியிட்டு, இந்த முதலீட்டுத் திட்டத்தை தமிழ்நாடு அரசு ஈர்த்துள்ளதாகத் தகவல்கள் தெரிவிக்கின்றன. இந்த உற்பத்தி வளாகம் அமைவதன் மூலம் அப்பகுதியில் புதிய வேலைவாய்ப்புகள் உருவாகும் என எதிர்பார்க்கப்படுகிறது.