கூட்டுறவு வங்கி ஊழியர்கள் 13 அம்சக் கோரிக்கைகளை வலியுறுத்தி ஆர்ப்பாட்டம்

கிருஷ்ணகிரி மற்றும் தருமபுரி மாவட்டங்களில் தமிழ்நாடு மாநில தொடக்க கூட்டுறவு வங்கி அனைத்துப் பணியாளர்கள் சங்கம் சார்பில் 13 அம்சக் கோரிக்கைகளை வலியுறுத்தி ஆர்ப்பாட்டம் நடைபெற்றது. தருமபுரி ஆட்சியர் அலுவலகம் அருகே நடைபெற்ற போராட்டத்தில் சங்க நிர்வாகிகள் மற்றும் ஊழியர்கள் பலர் கலந்துகொண்டனர்.

ஓய்வு பெற்ற பணியாளர்களுக்கு ஓய்வூதியம் வழங்க வேண்டும், 2 ஆண்டுகளுக்கு மேல் பணியாற்றும் கணினிப் பணியாளர்களைப் பணி நிரந்தரம் செய்ய வேண்டும், கூட்டுறவுச் சங்கங்களுக்கு மேலாண்மை அதிகாரம் வழங்க வேண்டும் உள்ளிட்ட கோரிக்கைகள் இந்த ஆர்ப்பாட்டத்தில் முன்வைக்கப்பட்டன.

செய்தி மூலம்: இந்து தமிழ் திசை