ஓசூரில் வெளிமாநில தொழிலாளர்கள் வீடுகளில் போலீஸார் திடீர் சோதனை

ஓசூர் ஹட்கோ மற்றும் சுற்றுவட்டாரப் பகுதிகளில் வெளிமாநில தொழிலாளர்கள் தங்கியுள்ள வீடுகளில் கஞ்சா, குட்கா உள்ளிட்ட தடை செய்யப்பட்ட பொருட்கள் விற்பனை செய்யப்படுவதாக புகார்கள் எழுந்தன. இதைத்தொடர்ந்து, காவல்துறை துணை கண்காணிப்பாளர் தலைமையில் 20-க்கும் மேற்பட்ட போலீஸார் திடீர் சோதனை நடத்தினர்.

இந்தச் சோதனையின் போது தடை செய்யப்பட்ட போதைப் பொருட்கள் பறிமுதல் செய்யப்பட்டன. மேலும், அங்கு தங்கியுள்ள தொழிலாளர்களின் அடையாள ஆவணங்கள் சரியாக உள்ளதா என்பது குறித்தும் போலீஸார் விசாரணை நடத்தினர்.

செய்தி மூலம்: இந்து தமிழ் திசை