ஈரோடு நந்தா பொறியியல் கல்லூரியில் ஸோஹோ நிறுவனத்தின் வளாகத் தேர்வு
ஈரோடு நந்தா கல்லூரிகளில் நடைபெற்ற ஸோஹோ நிறுவனத்தின் வளாகத் தேர்வில், தேர்ந்தெடுக்கப்படும் மாணவர்களுக்கு ரூ.5 லட்சம் முதல் ரூ.8 லட்சம் வரை சம்பளம் வழங்கப்படும்.
ஈரோடு பெருந்துறை சாலையில் அமைந்துள்ள நந்தா பொறியியல் மற்றும் தொழில்நுட்பக் கல்லூரிகளில், ஸோஹோ கார்ப் நிறுவனம் சார்பில் இறுதி ஆண்டு கணினி அறிவியல் மாணவர்களுக்கான வளாகத் தேர்வு நடைபெற்றது.
நிறுவனத்தின் மனிதவள மூத்த மேலாளர் சங்கர் சுப்பு பேசுகையில், செயற்கை நுண்ணறிவு சார்ந்த மென்பொருட்களின் தேவை அதிகரித்து வருவதால், மாணவர்கள் அதற்கேற்ப தங்களை தயார்படுத்திக்கொள்ள வேண்டும் என்று தெரிவித்தார். இதில் தேர்வாகும் மாணவர்களுக்கு ஆண்டுக்கு ரூ.5 லட்சம் முதல் ரூ.8 லட்சம் வரை ஊதியம் வழங்கப்படும் என அறிவிக்கப்பட்டுள்ளது.
செய்தி மூலம்: இந்து தமிழ் திசை