பள்ளத்தில் பைக் விழுந்து மருங்கூர் இளைஞர்கள் 2 பேர் உயிரிழப்பு

மருங்கூர் பகுதியைச் சேர்ந்த முத்துகிருஷ்ணனின் மகன் டிராவிட் (22) மற்றும் அதே பகுதியைச் சேர்ந்த நாகராஜன் (22) ஆகியோர் நேற்று முன்தினம் இரவு ரவிபுதூரிலிருந்து மயிலாடி நோக்கி பைக்கில் சென்றனர். பைக்கை நாகராஜன் ஓட்டிச் சென்றார்.

மயிலாடி அருகே நாச்சியார்குளம் பகுதியில் வந்தபோது, பைக் கட்டுப்பாட்டை இழந்து 50 அடி பள்ளத்தில் விழுந்தது. இதில் பலத்த காயமடைந்த இருவரையும் தீயணைப்புத் துறையினர் மீட்டு ஆசாரிபள்ளம் அரசு மருத்துவமனைக்கு அனுப்பி வைத்தனர். எனினும், அவர்கள் இருவரும் ஏற்கனவே இறந்துவிட்டதாக மருத்துவர்கள் தெரிவித்தனர். அஞ்சுகிராமம் போலீஸார் வழக்கு பதிவு செய்து விசாரித்து வருகின்றனர்.

செய்தி மூலம்: இந்து தமிழ் திசை