டாஸ்மாக் கடை மீது பெட்ரோல் குண்டு வீச்சு: 2 பேர் கைது
கிருஷ்ணகிரியில் மதுக்கடை உதவியாளர் மீது பெட்ரோல் குண்டு வீசிய இருவர் கைது செய்யப்பட்டனர்; இச்சம்பவத்தைக் கண்டித்து மாவட்டம் முழுவதும் 111 மதுக்கடைகள் அடைக்கப்பட்டன.
கிருஷ்ணகிரி அருகே உள்ள டாஸ்மாக் கடை மீது பெட்ரோல் குண்டு வீசியதாக இரு இளைஞர்களை போலீஸார் கைது செய்தனர். பாஞ்சாலியூரில் உள்ள டாஸ்மாக் கடையில் விற்பனை உதவியாளராக பணியாற்றும் பிரகாஷ் (58) என்பவர் பணியில் இருந்தபோது, இருவர் மது வாங்கிவிட்டு பணம் தராமல் கடனாக கேட்டனர். பிரகாஷ் மறுத்ததால் ஆத்திரமடைந்த அவர்கள் பெட்ரோல் குண்டு வீசினர்.
இதில் பிரகாஷுக்கு தீக்காயம் ஏற்பட்டு மருத்துவமனையில் சிகிச்சை பெற்று வருகிறார். இச்சம்பவத்தைக் கண்டித்து கிருஷ்ணகிரி மாவட்டத்தில் 111 டாஸ்மாக் கடைகள் அடைக்கப்பட்டன. டாஸ்மாக் ஊழியர்கள் ஆர்ப்பாட்டத்தில் ஈடுபட்டனர். பெட்ரோல் குண்டு வீசிய சத்தியமூர்த்தி (27) மற்றும் திருமால் என்ற நித்தீஷ்குமார் (25) ஆகியோர் கைது செய்யப்பட்டனர்.
செய்தி மூலம்: இந்து தமிழ் திசை