அமராவதி அணை நீர் திறப்பு: கரூர், திருப்பூர் ஆட்சியர்களுக்கு உயர் நீதிமன்றம் உத்தரவு

கரூர் மற்றும் திருப்பூர் மாவட்டங்களில் உள்ள 13 கிராமங்களின் குடிநீர் மற்றும் பாசனத் தேவைக்காக அமராவதி அணையின் பிரதான கால்வாயைத் திறக்கக் கோரி உயர் நீதிமன்ற மதுரை கிளையில் மனு தாக்கல் செய்யப்பட்டது. ஜூலை 20-ஆம் தேதி பிறப்பிக்கப்பட்ட அரசாணையால் குடிநீர் தட்டுப்பாடு ஏற்படும் என மனுதாரர் மெய்கணமூர்த்தி தெரிவித்துள்ளார்.

இந்த வழக்கை விசாரித்த நீதிபதிகள் கார்த்திகேயன் மற்றும் சக்திவேல் அமர்வு, இது தொடர்பாக கரூர் மற்றும் திருப்பூர் மாவட்ட ஆட்சியர்கள் பதிலளிக்க உத்தரவிட்டு விசாரணையை ஒத்திவைத்தனர்.

செய்தி மூலம்: ABP Nadu - Madurai