தென்மேற்கு பருவமழை குறைந்ததால் நீலகிரி அணைகளில் நீர்மட்டம் சரிவு: மின் உற்பத்தி பாதிக்கும் அபாயம்

நீலகிரி மாவட்ட அணைகளில் நீர் இருப்பு குறைந்து வருவதால் மின் உற்பத்தி பாதிக்கும் சூழல் உருவாகியுள்ளது. மாவட்டத்தில் சராசரியாக 40 செ.மீ கோடை மழை பெய்ய வேண்டிய நிலையில், தற்போது 10 செ.மீ மட்டுமே பதிவாகியுள்ளது. தென்மேற்கு பருவமழை சராசரியாக 65 செ.மீ பெய்ய வேண்டிய நிலையில், ஒன்றரை மாதத்தில் இதுவரை 12 செ.மீ மட்டுமே பதிவாகியுள்ளது.

குந்தா மற்றும் பைகாரா மின் திட்டங்களின் கீழ் 12 மின் நிலையங்கள் உள்ளன. போதிய மழையின்றி அணைகளில் தண்ணீர் இருப்பு குறைந்து வருவதால், மின் விநியோகத்தில் சிக்கல் ஏற்படும் என மின்வாரிய அதிகாரிகள் கவலை தெரிவித்துள்ளனர். தொடர்ந்து ஒரு மாதம் மழை பெய்தால் மட்டுமே நடப்பாண்டு மின் உற்பத்தியை சமாளிக்க முடியும் என அதிகாரிகள் கூறியுள்ளனர்.

செய்தி மூலம்: இந்து தமிழ் திசை