புதுக்கோட்டையில் நெல் கொள்முதல் நிலைய பருவகால பணியாளர்கள் உள்ளிருப்பு போராட்டம்

புதுக்கோட்டை தமிழ்நாடு நுகர்பொருள் வாணிபக் கழக மண்டல மேலாளர் அலுவலகத்தில், நெல் கொள்முதல் நிலைய பருவகால பணியாளர்கள் நேற்று திடீர் உள்ளிருப்புப் போராட்டத்தில் ஈடுபட்டனர்.

மாவட்டத்தில் கொள்முதல் நிலையங்களில் பணிபுரியும் பட்டியல் எழுத்தர், உதவியாளர் மற்றும் காவலர் உள்ளிட்ட சுமார் 300 பேர் தற்காலிக அடிப்படையில் பணியாற்றி வருகின்றனர். இவர்களுக்கு நெல் கொள்முதல் காலங்களில் மட்டுமே பணி வழங்கப்படுவதால், தங்களை பணி நிரந்தரம் செய்ய வேண்டும் மற்றும் இதர செலவுகளை அரசே ஏற்க வேண்டும் என வலியுறுத்தி அவர்கள் இப்போராட்டத்தில் ஈடுபட்டனர். இப்பணியாளர்களுக்கு சிஐடியு ஆதரவு தெரிவித்துள்ளது.

செய்தி மூலம்: இந்து தமிழ் திசை