ராணிப்பேட்டை புதிய பேருந்து நிலையப் பணிகள்: அரசு கூடுதல் தலைமைச் செயலாளர் ஆய்வு

ராணிப்பேட்டை நகராட்சியில் ரூ.13.55 கோடி மதிப்பில் கட்டப்பட்டு வரும் புதிய பேருந்து நிலையப் பணிகளை அரசு கூடுதல் தலைமைச் செயலாளர் ககன்தீப் சிங் பேடி நேரில் ஆய்வு செய்தார். இப்பணி மேம்பாட்டு நிதி ரூ.10.25 கோடி மற்றும் மூலதன மானிய நிதி ரூ.3.30 கோடி என மொத்தம் ரூ.13.55 கோடி மதிப்பீட்டில் நடைபெற்று வருகிறது.

ஆய்வின்போது, பேருந்து நிலையப் பணிகளை விரைவாகவும், தரமாகவும் முடிக்க அவர் அதிகாரிகளுக்கு உத்தரவிட்டார். இதனைத் தொடர்ந்து, நகராட்சி அலுவலகத்தில் ரூ.15.80 லட்சம் மதிப்பில் புனரமைக்கப்பட்ட காமராஜர் நினைவகத்தையும் அவர் பார்வையிட்டார். இந்த ஆய்வின்போது, நகராட்சி நிர்வாக இயக்குநர்கள் மற்றும் அதிகாரிகள் உடன் இருந்தனர்.

செய்தி மூலம்: இந்து தமிழ் திசை