சேலம் - மயிலாடுதுறை விரைவு ரயில் இயக்கத்தில் 6 நாட்களுக்கு மாற்றம்

சேலம் ரயில்வே கோட்டம் வெளியிட்டுள்ள செய்திக்குறிப்பில், பராமரிப்புப் பணிகள் காரணமாக சேலம் - மயிலாடுதுறை விரைவு ரயில் இயக்கத்தில் மாற்றம் செய்யப்பட்டுள்ளதாக தெரிவிக்கப்பட்டுள்ளது.

இதன்படி, மயிலாடுதுறையில் இருந்து காலை 6.15 மணிக்கு புறப்படும் மயிலாடுதுறை - சேலம் விரைவு ரயில் (எண்.16811), ஜூலை 22, 24, 26, 28, 31 மற்றும் ஆகஸ்ட் 2 ஆகிய தேதிகளில் கரூர் வரை மட்டுமே இயக்கப்படும். இந்த ரயில் கரூர் - சேலம் இடையே இயங்காது.

அதேபோல், சேலத்தில் இருந்து மதியம் 2.05 மணிக்கு புறப்படும் சேலம் - மயிலாடுதுறை விரைவு ரயில் (எண்.16812), மேற்கண்ட தேதிகளில் கரூரில் இருந்து மாலை 3.40 மணிக்கு புறப்பட்டு மயிலாடுதுறையை சென்றடையும்.

செய்தி மூலம்: இந்து தமிழ் திசை