சேலம் மாவட்டத்தில் டெங்கு காய்ச்சல் தடுப்பு நடவடிக்கைகள் தீவிரம்

சேலம் மாவட்டத்தில் டெங்கு மற்றும் சிக்குன்குனியா காய்ச்சல் பாதிப்புகளைத் தடுப்பதற்கான ஒருங்கிணைந்த முன்னெச்சரிக்கை நடவடிக்கைகளை சுகாதாரத்துறை அதிகாரிகள் மேற்கொண்டு வருகின்றனர். பருவநிலை மாற்றத்தால் தற்போது இக்காய்ச்சல் பாதிப்புகள் பரவத் தொடங்கியுள்ள நிலையில், நோய் தடுப்பு பணிகள் தீவிரப்படுத்தப்பட்டுள்ளன.

இதன் ஒரு பகுதியாக, கொசுக்கள் உற்பத்தியாகும் இடங்களை கண்டறிந்து அழித்தல் மற்றும் புகை மருந்து தெளித்தல் போன்ற பணிகள் சுகாதாரப் பணியாளர்களால் மேற்கொள்ளப்பட்டு வருகின்றன. பொதுமக்களும் தங்கள் சுற்றுப்புறத்தை தூய்மையாக வைத்துக்கொள்ளுமாறு அறிவுறுத்தப்பட்டுள்ளது.