சங்கரன்கோவில் திருவிழா பாதுகாப்புக்கு கண்காணிப்பு கேமரா வழங்கிய மக்கள்

சங்கரன்கோவில் சங்கர நாராயண சுவாமி கோயிலில் ஆடித்தவசு விழா நடைபெற்று வருகிறது. லட்சக்கணக்கான பக்தர்கள் பங்கேற்கும் இந்த விழாவையொட்டி, பாதுகாப்பு நடவடிக்கைகளை பலப்படுத்த சங்கரன்கோவில் காந்தி நகர் மற்றும் பொட்டல் பகுதியைச் சேர்ந்த பொதுமக்கள் கண்காணிப்பு கேமராக்களை போலீஸாருக்கு வழங்கினர்.

மாவட்ட காவல் கண்காணிப்பாளர் முன்னிலையில் இந்த கேமராக்கள் வழங்கப்பட்டன. குற்றச் சம்பவங்களைத் தடுக்கவும், கண்காணிப்பை வலுப்படுத்தவும் இந்த கேமராக்கள் பேருந்து நிலையம் உள்ளிட்ட முக்கிய இடங்களில் பொருத்தப்பட உள்ளன.

செய்தி மூலம்: இந்து தமிழ் திசை