போலி அரசுப் பணி ஆணை வழங்கி மோசடி: செங்கோட்டை நீதிமன்ற ஊழியர் கைது

தென்காசி மாவட்டம், செங்கோட்டை நீதிமன்றத்தில் உதவியாளராக பணிபுரியும் ராமமூர்த்தி (36), தனது மனைவி தமிழ்ஜோதியுடன் இணைந்து அரசு வேலை வாங்கித் தருவதாகக் கூறி சுந்தரராஜ் என்பவரிடம் ரூ.12 லட்சம் மோசடி செய்துள்ளார்.

சுந்தரராஜிடம் அரசு பணி ஆணை வழங்குவதாகக் கூறி பணத்தைப் பெற்றுக்கொண்டு, போலியான பணி நியமன ஆணையை தயாரித்து வழங்கியுள்ளனர். இது குறித்து சுந்தரராஜ் அளித்த புகாரின் பேரில், போலீஸார் வழக்கு பதிவு செய்து ராமமூர்த்தியை கைது செய்தனர். தலைமறைவாக உள்ள அவரது மனைவி தமிழ்ஜோதியை போலீஸார் தேடி வருகின்றனர்.

செய்தி மூலம்: இந்து தமிழ் திசை