காணாமல் போன இளைஞர் கிணற்றில் சடலமாக மீட்பு: கொலை செய்த 3 சிறுவர்கள் பிடிபட்டனர்

கடையநல்லூர் அருகே உள்ள கிராமத்தைச் சேர்ந்த மகேந்திரன் (30) கடந்த 6-ம் தேதி முதல் காணாமல் போனார். இது தொடர்பாக அவரது மனைவி புவனேஸ்வரி புகார் அளித்திருந்தார். போலீஸார் விசாரணை மேற்கொண்டபோது, மகேந்திரனுடன் சென்ற 3 சிறுவர்களை பிடித்து விசாரணை நடத்தினர்.

விசாரணையில், அவர்கள் மகேந்திரனைத் தலையைத் துண்டித்துக் கொலை செய்து, உடலைக் கிணற்றிலும், தலையைக் குற்றாலம் பகுதியிலும் வீசியது தெரியவந்தது. இதையடுத்து உடல் மீட்கப்பட்டு பிரேதப் பரிசோதனைக்கு அனுப்பி வைக்கப்பட்டது. இந்த வழக்கில் வேறு யாருக்குத் தொடர்பு உள்ளது என்பது குறித்து போலீஸார் தொடர்ந்து விசாரணை நடத்தி வருகின்றனர்.

செய்தி மூலம்: இந்து தமிழ் திசை