தூத்துக்குடி லூர்தம்மாள்புரம் புனித லூர்து அன்னை ஆலயத்தில் முப்பெரும் விழா

தூத்துக்குடி லூர்தம்மாள்புரம் புனித லூர்து அன்னை ஆலயத்தின் 25-வது ஆண்டு வெள்ளி விழா, ஆலய புதிய பீடம் அர்ச்சிப்பு மற்றும் உறுதிப்பூசுதல் விழா என முப்பெரும் விழா சிறப்பாக நடைபெற்றது. தூத்துக்குடி மறைமாவட்ட ஆயர் ஸ்டீபன் அந்தோணி தலைமை தாங்கி விழாவைச் சிறப்பித்தார்.

ஆயர் புதிய ஆலய பீடத்தை அர்ச்சித்துத் திறந்து வைத்தார். அதனைத் தொடர்ந்து சிறப்புத் திருப்பலி நடைபெற்றது. விழாவில் ஏராளமான இறைமக்கள், அருட்சகோதரிகள் மற்றும் முன்னாள் பங்குத்தந்தையர்கள் கலந்துகொண்டனர். கலைநிகழ்ச்சிகளுடன் ஆயருக்கு உற்சாகமான வரவேற்பு அளிக்கப்பட்டது.

செய்தி மூலம்: இந்து தமிழ் திசை