பட்டா வழங்க வலியுறுத்தி கோவில்பட்டி வட்டாட்சியர் அலுவலகம் முன்பு திரண்ட மக்கள்

கோவில்பட்டி அருகே கிழவிப்பட்டியில் அரசு வழங்கிய இலவச வீட்டு மனைகளுக்குப் பட்டா வழங்கக் கோரி பொதுமக்கள் வட்டாட்சியர் அலுவலகம் முன்பு திரண்டனர். 60 ஆண்டுகளுக்கு மேலாகியும் தங்களுக்குப் பட்டா கிடைக்கவில்லை எனக் கூறி பாஜக தொழில்நுட்பப் பிரிவு மாவட்ட துணைத் தலைவர் சிவராமன் தலைமையில் மக்கள் போராட்டத்தில் ஈடுபட முயன்றனர்.

இதனைத் தொடர்ந்து வட்டாட்சியர் அலுவலகத்தில் நடந்த பேச்சுவார்த்தையில், பட்டா வழங்கும் பணிகள் நடந்து வருவதாகவும், விரைவில் நடவடிக்கை எடுக்கப்படும் என்றும் அதிகாரிகள் உறுதியளித்தனர். இதனைத் தொடர்ந்து மக்கள் கலைந்து சென்றனர்.

செய்தி மூலம்: இந்து தமிழ் திசை