மணப்பாறை மாட்டுச் சந்தை: இனி புதன்கிழமை மட்டுமே செயல்படும்

திருச்சி மாவட்டம் மணப்பாறையில் உள்ள பிரசித்தி பெற்ற மாட்டுச் சந்தையில் கூடுதல் கட்டணம் வசூலிக்கப்படுவதாக எழுந்த புகாரைத் தொடர்ந்து, அந்த சந்தையின் குத்தகை உரிமத்தை நகராட்சி நிர்வாகம் ரத்து செய்துள்ளது. மேலும், இனி வாரந்தோறும் புதன்கிழமை மட்டுமே சந்தை நடைபெறும் என்று அறிவிக்கப்பட்டுள்ளது.

இந்த மாற்றம் தெரியாமல் கால்நடைகளை விற்பனைக்காக செவ்வாய்க்கிழமையே கொண்டு வந்த விவசாயிகள் மற்றும் வியாபாரிகள் பெரும் அவதிக்குள்ளாகினர். பலர் கால்நடைகளைச் சாலையோரத்தில் வைத்து விற்க வேண்டிய சூழல் ஏற்பட்டது. நகராட்சி ஆணையர் கணேஷ் உத்தரவுப்படி, இனி சந்தைக்கான கட்டணத்தை நகராட்சி நிர்வாகமே நேரடியாக வசூலிக்கும்.

செய்தி மூலம்: இந்து தமிழ் திசை