நிறுத்தப்பட்ட பூங்கா பணிகளை மீண்டும் தொடங்க மாநகராட்சிக்குக் கோரிக்கை

திருச்சி மாநகராட்சி மைய அலுவலகத்தில் நேற்று நடைபெற்ற மக்கள் குறைதீர் கூட்டத்தில், 25-வது வார்டு கவுன்சிலர் நாகராஜ் மற்றும் வார்டு மக்கள் மனு அளித்தனர். அதில், சண்முகா நகர் பகுதியில் பூங்கா அமைக்கும் பணி ஓராண்டுக்கு முன்பு தொடங்கப்பட்டு, தற்போது பாதியில் நிறுத்தப்பட்டுள்ளதாக தெரிவிக்கப்பட்டுள்ளது.

ரூ.60 லட்சம் மதிப்பீட்டில் நடைபெற்று வந்த இந்தப் பணிகள் கடந்த சில மாதங்களாக முடங்கியுள்ளன. பொதுமக்களின் நலன் கருதி, பூங்கா பணிகளை மீண்டும் விரைவாகத் தொடங்கி, மக்கள் பயன்பாட்டுக்கு கொண்டு வர வேண்டும் என அந்த மனுவில் வலியுறுத்தப்பட்டுள்ளது.

செய்தி மூலம்: இந்து தமிழ் திசை