ஸ்ரீரங்கம் ராஜகோபுரம் எதிரே பன்னடுக்கு கார் நிறுத்துமிடம் அமைக்கக் கோரிக்கை

ஸ்ரீரங்கம் ராஜகோபுரம் எதிரே உள்ள மாநகராட்சிக்குச் சொந்தமான காலி இடத்தில் பன்னடுக்கு கார் நிறுத்துமிடம் (Stack Parking) அமைக்க வேண்டும் என பொதுமக்கள் கோரிக்கை விடுத்துள்ளனர். தினமும் ஆயிரக்கணக்கான பக்தர்கள் வரும் இங்கு, வாகனங்களை நிறுத்தப் போதிய வசதியில்லை.

ஸ்ரீரங்கம் நகர் நலச் சங்கத்தினர் கூறுகையில், அம்மா மண்டபம் அருகே உள்ள 16,800 சதுர அடி நிலத்தில் பன்னடுக்கு கார் நிறுத்துமிடம் கட்டினால் ஒரே நேரத்தில் 200 கார்கள் வரை நிறுத்த முடியும். இது பக்தர்களுக்கு வசதியாக இருப்பதோடு, மாநகராட்சிக்கு வருவாயையும் பெற்றுத் தரும். மேலும் கழிப்பறை, உடை மாற்றும் அறை போன்ற வசதிகளையும் ஏற்படுத்த வேண்டும் என வலியுறுத்தியுள்ளனர்.

செய்தி மூலம்: இந்து தமிழ் திசை