சாலை விபத்தில் 2 பேர் உயிரிழப்பு
திருச்சி-திண்டுக்கல் தேசிய நெடுஞ்சாலையில் கார் லாரி மீது மோதிய விபத்தில், ஒடிசாவைச் சேர்ந்த 2 இளைஞர்கள் உயிரிழந்தனர்.
திருச்சி-திண்டுக்கல் தேசிய நெடுஞ்சாலையில் வையம்பட்டி பொன்னம்பலம்பட்டி அருகே நிறுத்தப்பட்டிருந்த லாரி மீது கார் மோதிய விபத்தில், காரில் பயணம் செய்த சந்தோஷ்குமார் மற்றும் அக்ஷய்குமார் ஆகிய இருவர் உயிரிழந்தனர். காரில் இருந்த மற்றவர் மருத்துவமனையில் சிகிச்சை பெற்று வருகிறார்.
ஒடிசா மாநிலத்தைச் சேர்ந்த இவர்கள், கரூர் பகுதியில் பணிபுரிந்து வந்தவர்கள். இந்த விபத்து குறித்து பசுபதிபாளையம் போலீஸார் வழக்குப்பதிவு செய்து விசாரணை நடத்தி வருகின்றனர்.
செய்தி மூலம்: இந்து தமிழ் திசை