திருப்பத்தூர் சந்தனமர கிடங்கில் ரூ.50 லட்சம் மதிப்பிலான செம்மர கட்டைகள் திருட்டு

திருப்பத்தூர் சந்தனமர கிடங்கில் இருந்து ரூ.50 லட்சம் மதிப்பிலான 1,750 கிலோ எடையுள்ள 55 செம்மர கட்டைகள் திருடு போனதாக புகார் அளிக்கப்பட்டுள்ளது. வனத்துறை விற்பனை அலுவலர் ஜோதிலிங்கம் அளித்த புகாரின் பேரில் திருப்பத்தூர் நகர காவல்துறை விசாரணை நடத்தி வருகிறது.

வனத்துறையின் கட்டுப்பாட்டில் உள்ள இந்த கிடங்கு, 24 மணி நேரமும் கண்காணிப்பு கேமராக்கள் மற்றும் காவலர்களுடன் பாதுகாப்பாக இயங்கி வருகிறது. ஜூலை 18-ம் தேதி நள்ளிரவு இந்த திருட்டு நடந்துள்ளதாக சந்தேகிக்கப்படுகிறது.

இந்த கிடங்கில் பல வழக்குகளில் கைப்பற்றப்பட்ட செம்மரங்கள் சேமிக்கப்பட்டுள்ளன. பலத்த பாதுகாப்புக்கு மத்தியிலும் இவ்வளவு பெரிய அளவில் மரம் திருடப்பட்டது வனத்துறையினரிடையே பெரும் அதிர்ச்சியை ஏற்படுத்தியுள்ளது. இதுகுறித்து மாவட்ட வன அலுவலர் மகேந்திரன் கூறுகையில், பாதுகாப்பு அதிகரிக்கப்பட்டுள்ளதாக தெரிவித்தார்.

செய்தி மூலம்: இந்து தமிழ் திசை