ஆபத்தாக வாகனங்களை இயக்கிய சிறுவர்களின் பெற்றோர் மீது வழக்கு
சாலையில் ஆபத்தான முறையில் இருசக்கர வாகனங்களை இயக்கிய 11 சிறுவர்களை எச்சரித்த போலீஸார், அவர்களின் பெற்றோர் மீது வழக்குப்பதிவு செய்தனர்.
கோவை செட்டிபாளையம் அருகே இருசக்கர வாகனங்களில் சாகசம் செய்து போக்குவரத்துக்கும் பிற வாகன ஓட்டிகளுக்கும் இடையூறு ஏற்படுத்திய சிறுவர்களை போலீஸார் எச்சரித்தனர்.
சம்பந்தப்பட்ட 11 பள்ளி மாணவர்கள் கண்டறியப்பட்டனர். அவர்கள் பயன்படுத்திய வாகனங்கள் பறிமுதல் செய்யப்பட்டன. மேலும், சிறுவர்களின் பெற்றோர்கள் மற்றும் வாகன உரிமையாளர்கள் என 5 பேர் மீது வழக்குப்பதிவு செய்யப்பட்டுள்ளது.
செய்தி மூலம்: இந்து தமிழ் திசை