திருப்பூர்: இடுவம்பாளையத்தில் சாய்ந்த மின்கம்பம்; சீரமைக்க பொதுமக்கள் கோரிக்கை

திருப்பூர் இடுவம்பாளையம் அருகே உள்ள வஞ்சிபாளையம் பிரிவு சாலையில், மின்கம்பம் ஒன்று சாய்ந்த நிலையில் காணப்படுகிறது. இப்பாதையில் நாள்தோறும் அரசு, தனியார் பேருந்துகள் மற்றும் நூற்றுக்கும் மேற்பட்ட பள்ளி வாகனங்கள் என ஆயிரக்கணக்கான வாகனங்கள் சென்று வருகின்றன.

இந்த மின்கம்பம் எப்போது வேண்டுமானாலும் முறிந்து விழுந்து விபத்தை ஏற்படுத்தலாம் என அப்பகுதி பொதுமக்கள் அச்சம் தெரிவித்துள்ளனர். மின்சார வாரியம் இந்த மின்கம்பத்தை உடனடியாகச் சீரமைக்க வேண்டும் என கோரிக்கை விடுத்துள்ளனர்.

மேலும், அதே பகுதியில் பேருந்து நிலையத்திற்கு அருகில் உள்ள சாக்கடை கால்வாயில் அடைப்பு ஏற்பட்டு கழிவுநீர் தேங்கியுள்ளது. இதனால் கடும் துர்நாற்றம் வீசுவதுடன் சுகாதாரச் சீர்கேடும் ஏற்பட்டுள்ளதால், சம்பந்தப்பட்ட நிர்வாகம் துரித நடவடிக்கை எடுக்க வேண்டும் எனவும் மக்கள் வலியுறுத்தியுள்ளனர்.

செய்தி மூலம்: இந்து தமிழ் திசை