இடுவம்பாளையம் பகுதியில் சுகாதார சீர்கேடு மற்றும் சாய்ந்த மின்கம்பத்தை அகற்ற கோரிக்கை

திருப்பூர் மாவட்டம் இடுவம்பாளையம் அருகே உள்ள பகுதியில், கழிவுநீர் கால்வாயில் அடைப்பு ஏற்பட்டுள்ளதால் கழிவுநீர் தேங்கி கடும் துர்நாற்றம் வீசுகிறது. இதனால் இப்பகுதியில் சுகாதார சீர்கேடு ஏற்பட்டுள்ளதாகவும், பேருந்து பயணிகள் மற்றும் பள்ளி வாகனங்களுக்கு இடையூறு நிலவுவதாகவும் பொதுமக்கள் புகார் தெரிவிக்கின்றனர்.

மேலும், வஞ்சிபாளையம் பிரிவு அருகே மின்கம்பம் ஒன்று சாய்ந்த நிலையில் ஆபத்தான முறையில் காணப்படுகிறது. நூற்றுக்கணக்கான வாகனங்கள் மற்றும் பள்ளி வாகனங்கள் செல்லும் இந்தச் சாலையில், பெரும் விபத்து நிகழும் முன்னதாக சம்பந்தப்பட்ட அதிகாரிகள் நடவடிக்கை எடுத்து சாய்ந்த மின்கம்பத்தை அகற்றி சீரமைக்க வேண்டும் என பொதுமக்கள் கோரிக்கை விடுத்துள்ளனர்.

செய்தி மூலம்: இந்து தமிழ் திசை