குற்றவாளியை பிடிக்க முயன்ற எஸ்ஐ-க்கு அரிவாள் வெட்டு: பொன்னேரியில் சம்பவம்

பொன்னேரி அருகே சரித்திரப் பதிவேடு குற்றவாளியான பூபாலனைப் பிடிக்கச் சென்ற உதவி ஆய்வாளர் வெங்கடேஷை, குற்றவாளியின் கூட்டாளிகள் அரிவாளால் வெட்டிவிட்டுத் தப்பினர். காயமடைந்த வெங்கடேஷ் தனியார் மருத்துவமனையில் அனுமதிக்கப்பட்டார்.

செங்குன்றம் துணை ஆணையர் மகேஸ்வரி தலைமையிலான போலீஸார் சம்பவ இடத்தில் விசாரணை நடத்தினர். பூபாலன் மீஞ்சூர் அடுத்த அத்திப்பட்டில் உள்ள ஒரு வீட்டை வாடகைக்கு எடுத்து பதுங்கி இருந்தது தெரியவந்தது.

போலீஸார் அப்பகுதியில் உள்ள கண்காணிப்பு கேமரா காட்சிகளை ஆய்வு செய்து, தலைமறைவாக உள்ள குற்றவாளிகளைத் தேடி வருகின்றனர். வெங்கடேஷ் அளித்த புகாரின் பேரில் கொலை முயற்சி உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது.

செய்தி மூலம்: இந்து தமிழ் திசை