ஆரணியில் அசைவ உணவகத்தில் உணவு உண்டு 13 பேர் பாதிப்பு: உணவகம் மூட உத்தரவு

திருவண்ணாமலை மாவட்டம் ஆரணி பகுதியில் உள்ள ஒரு பிரபலமான அசைவ உணவகத்தில் சாப்பிட்ட 13 பேர் உடல்நலக்குறைவால் பாதிக்கப்பட்டனர். பாதிக்கப்பட்டவர்கள் ஆரணி அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.

சம்பவத்தையறிந்து மாவட்ட நியமன அலுவலர் பானுசுஜாதா தலைமையிலான அதிகாரிகள் உணவகத்தில் ஆய்வு மேற்கொண்டனர். உணவகத்திலிருந்து இறைச்சி, மசாலா பொருட்கள் மற்றும் தண்ணீர் உள்ளிட்ட 10 மாதிரிகள் சேகரிக்கப்பட்டு ஆய்வகத்திற்கு அனுப்பி வைக்கப்பட்டுள்ளன.

ஆய்வு அறிக்கை வரும் வரை அந்த உணவகத்தை மூட உத்தரவிடப்பட்டுள்ளது. அறிக்கை வந்த பிறகு அடுத்தகட்ட நடவடிக்கை எடுக்கப்படும் என அதிகாரிகள் தெரிவித்தனர்.

செய்தி மூலம்: இந்து தமிழ் திசை