திருவாரூர், நாகை மாவட்டங்களில் மும்முனை மின்சாரம் கிடைக்காததால் கருகும் நெற்பயிர்கள்

திருவாரூர் மாவட்டம் கொரடாச்சேரி, நாகப்பட்டினம் மாவட்டம் திருமருகல் மற்றும் அதனைச் சுற்றியுள்ள பகுதிகளில் மும்முனை மின்சாரம் சீராகக் கிடைக்காததால் நெற்பயிர்கள் கருகி வருவதாக விவசாயிகள் வேதனை தெரிவித்துள்ளனர்.

மேட்டூர் அணை திறக்கப்படாத நிலையில், ஆழ் துளைக் கிணறுகளை நம்பி சாகுபடி செய்யப்பட்ட ஆயிரக்கணக்கான ஏக்கர் குறுவை பயிர்கள் தண்ணீரின்றி காய்ந்து வருகின்றன. இதனால் வயல்களில் வெடிப்புகள் ஏற்பட்டுள்ளன.

தமிழக அரசு வேளாண் துறை மூலம் பாதிக்கப்பட்ட பயிர்களைக் கணக்கீடு செய்து, விவசாயிகளுக்கு நிவாரணம் மற்றும் பயிர்க் காப்பீடு இழப்பீடு வழங்க நடவடிக்கை எடுக்க வேண்டும் என தமிழ்நாடு விவசாயிகள் சங்கத்தின் திருவாரூர் மாவட்டத் தலைவர் எஸ். தம்புசாமி கோரிக்கை விடுத்துள்ளார்.

செய்தி மூலம்: இந்து தமிழ் திசை