பள்ளி வாகனங்களுக்கு தகுதிச் சான்றிதழ் வழங்குவதில் கறார் காட்டும் வட்டாரப் போக்குவரத்து அலுவலர்கள்

கள்ளக்குறிச்சி மாவட்டத்தில் லஞ்ச ஊழல் ஒழிப்புத்துறை சோதனைக்குப் பிறகு, பள்ளி வாகனங்களுக்குத் தகுதிச் சான்றிதழ் வழங்குவதில் வட்டாரப் போக்குவரத்து அலுவலகங்கள் கறார் காட்டுவதாக வாகன உரிமையாளர்கள் புகார் தெரிவித்துள்ளனர்.

சுமார் 100 வாகனங்கள் தகுதிச் சான்றிதழ் பெறாமல் நிறுத்தி வைக்கப்பட்டுள்ளதாக அவர்கள் குற்றம் சாட்டுகின்றனர். இருப்பினும், வாகன விதிமுறைப்படி குறைபாடுகள் இருந்தால் அதைச் சரிசெய்து விண்ணப்பித்தால் தகுதிச் சான்றிதழ் வழங்கத் தயார் என கள்ளக்குறிச்சி வட்டாரப் போக்குவரத்து அலுவலர் விஜய் விளக்கம் அளித்துள்ளார்.

செய்தி மூலம்: இந்து தமிழ் திசை