கள்ளக்குறிச்சியில் 150-க்கும் மேற்பட்டோர் அதிமுகவில் இருந்து விலகி திமுகவில் இணைந்தனர்

கள்ளக்குறிச்சி மாவட்டத்தில் அதிமுகவைச் சேர்ந்த 150-க்கும் மேற்பட்டோர் அந்த கட்சியிலிருந்து விலகி, திமுகவில் இணைந்தனர். முன்னாள் அதிமுக எம்எல்ஏ அழகுவேல்பாபு ஏற்பாட்டில் நடைபெற்ற இந்த நிகழ்வில், ரிஷிவந்தியம் சட்டமன்ற உறுப்பினரும் மாவட்டச் செயலாளருமான வசந்தம் க.கார்த்திகேயன் இவர்களைச் சால்வை அணிவித்து வரவேற்றார்.

சட்டப்பேரவைத் தேர்தலுக்குப் பின்னர் அதிமுகவில் இருந்து விலகி மாற்றுக்கட்சிகளுக்குச் செல்வது அதிகரித்து வருவதாகத் தகவல்கள் தெரிவிக்கின்றன.

செய்தி மூலம்: இந்து தமிழ் திசை