மேகேதாட்டு அணை விவகாரம்: நாமக்கல்லில் இந்திய ஜனநாயக கட்சி ஆர்ப்பாட்டம்

கர்நாடக அரசு மேகேதாட்டில் அணை கட்டும் நடவடிக்கையைக் கண்டித்து, நாமக்கல் ஆட்சியர் அலுவலகம் முன்பு இந்திய ஜனநாயக கட்சி சார்பில் ஆர்ப்பாட்டம் நடைபெற்றது. கட்சியின் மாநில அமைப்புச் செயலாளர் பி.முத்துராஜா தலைமையில் நடைபெற்ற இந்த ஆர்ப்பாட்டத்தில், கர்நாடக அரசை எதிர்த்து முழக்கங்கள் எழுப்பப்பட்டன.

தமிழகத்திற்கு வழங்க வேண்டிய காவிரி நீரை கர்நாடக அரசு உடனடியாகத் திறக்க வேண்டும் என்றும், அணை கட்டும் முயற்சியை கைவிட வேண்டும் என்றும் வலியுறுத்தப்பட்டது. இதில் கட்சியின் மாவட்ட நிர்வாகிகள் மற்றும் உறுப்பினர்கள் பலர் கலந்து கொண்டனர்.

செய்தி மூலம்: இந்து தமிழ் திசை