பாரதிதாசன் பல்கலைக்கழக செனட் உறுப்பினராக சுகுமாரன் தேர்வு
பாரதிதாசன் பல்கலைக்கழக செனட் உறுப்பினராக வெ. சுகுமாரன் உட்பட 16 பேர் போட்டியின்றித் தேர்ந்தெடுக்கப்பட்டனர்.
பாரதிதாசன் பல்கலைக்கழகத்தின் உயரிய நிர்வாக அமைப்பான செனட் உறுப்பினர்களுக்கான தேர்தலில் 8 மாவட்டங்களில் இருந்து போட்டியிட்டவர்கள் போட்டியின்றி ஒருமனதாகத் தேர்ந்தெடுக்கப்பட்டுள்ளனர்.
இதில் குந்தவை நாச்சியார் அரசு மகளிர் கல்லூரி முன்னாள் பேராசிரியரும், பெரியார் மணியம்மை கல்விக்கழகப் பேராசிரியருமான வெ. சுகுமாரன் செனட் உறுப்பினராகத் தேர்ந்தெடுக்கப்பட்டுள்ளார்.
செனட் உறுப்பினர்கள் பல்கலைக்கழகத்தின் கல்விக் கொள்கைகள், நிர்வாக மேம்பாடு, ஆராய்ச்சி வளர்ச்சி மற்றும் மாணவர் நலன் சார்ந்த உயர் மட்ட முடிவுகளில் முக்கிய பங்கு வகிப்பார்கள்.
செய்தி மூலம்: இந்து தமிழ் திசை