திருச்சி மாவட்டத்தில் இடைநின்ற 424 அரசுப் பள்ளி மாணவர்கள்: 35 பேர் மீண்டும் பள்ளிகளில் சேர்ப்பு

திருச்சி மாவட்டத்தில் நடப்பு கல்வியாண்டில் அரசுப் பள்ளிகளில் 424 மாணவர்கள் கல்வியை பாதியில் நிறுத்தியுள்ளனர். இதில் இதுவரை 35 பேர் மீண்டும் பள்ளிகளில் சேர்க்கப்பட்டுள்ளனர்.

வறுமை, இடம்பெயர்தல், பெற்றோரின் உடல்நலமின்மை, வருமானமின்மை மற்றும் தேர்வு பயம் உள்ளிட்ட பல்வேறு காரணங்களால் மாணவர்கள் பள்ளிக்கு வருவதை நிறுத்துவதாக பள்ளிக் கல்வித்துறை அதிகாரிகள் தெரிவித்துள்ளனர். ஒரு வாரம் தொடர்ந்து பள்ளிக்கு வராத மாணவர்களின் வீடுகளுக்கு ஆசிரியர்கள் சென்று, அரசுத் திட்டங்கள் குறித்து விளக்கி அவர்களை மீண்டும் கல்வி கற்க ஊக்குவித்து வருகின்றனர்.

மீதமுள்ள மாணவர்களையும் கண்டறிந்து மீண்டும் பள்ளியில் சேர்க்க நடவடிக்கை எடுக்கப்பட்டு வருகிறது. ஆர்வம் காட்டாத மாணவர்களுக்குத் தொழிற்கல்வி பயிற்சிகள் வழங்கவும் ஆலோசிக்கப்பட்டு வருகிறது.

செய்தி மூலம்: இந்து தமிழ் திசை