பட்டுக்கோட்டையில் மனைவி, மகள் உயிரிழப்பு: கொலை வழக்காக மாற்றம்

தஞ்சாவூர் மாவட்டம் பட்டுக்கோட்டை அருகே, கணவரால் பெட்ரோல் ஊற்றி எரிக்கப்பட்ட மனைவி மற்றும் மகள் சிகிச்சை பலனின்றி உயிரிழந்தனர்.

கூலித் தொழிலாளியான செல்வராஜ்(65), தனது குடும்பத்தினரிடம் சொத்தை விற்றுப் பணம் தருமாறு கேட்டு அடிக்கடி தகராறில் ஈடுபட்டு வந்துள்ளார். ஜூலை 13-ம் தேதி அதிகாலை வீட்டில் தூங்கிக் கொண்டிருந்த மனைவி விஜயலட்சுமி(60), மகள்கள் மேனகா(38) மற்றும் மவுனிகா(25) மீது பெட்ரோல் ஊற்றி எரித்ததாகக் கூறப்படுகிறது.

பலத்த தீக்காயங்களுடன் தஞ்சாவூர் மருத்துவக் கல்லூரி மருத்துவமனையில் சிகிச்சை பெற்று வந்தவர்களில், விஜயலட்சுமி மற்றும் மேனகா நேற்று முன்தினம் உயிரிழந்தனர். மவுனிகா தொடர்ந்து சிகிச்சை பெற்று வருகிறார். காவல்துறையினர் கொலை முயற்சி வழக்கை கொலை வழக்காக மாற்றி விசாரணை நடத்தி வருகின்றனர்.

செய்தி மூலம்: இந்து தமிழ் திசை