ஏடிஎம் மையத்தில் நூதன முறையில் முதியவரிடம் பணம் திருடியவர் கைது

வேலூர் காட்பாடி சாலையில் உள்ள ஏடிஎம் மையத்தில் முதியவர்களிடம் பணம் எடுத்துத் தருவது போல நடித்து நூதன முறையில் பணம் திருடிய ஆந்திர மாநிலத்தைச் சேர்ந்த பாலாஜி என்பவரை வேலூர் வடக்கு போலீஸார் கைது செய்தனர்.

தோட்டப்பாளையம் பகுதியைச் சேர்ந்த அசோக்குமார் (61) என்ற மரம் அறுக்கும் தொழிலாளி, கடந்த மாதம் ஏடிஎம் மையத்திற்கு பணம் எடுக்கச் சென்றபோது, அங்கு நின்றிருந்த மர்ம நபர் தான் பணம் எடுத்துத் தருவதாகக் கூறி கார்டைப் பெற்று, பணத்தை எடுத்துவிட்டு மற்றொரு கார்டை அவரிடம் கொடுத்துவிட்டுச் சென்றுள்ளார். பின்னர் அசோக்குமாரின் வங்கிக் கணக்கிலிருந்து 4 முறை ரூ.43 ஆயிரம் எடுக்கப்பட்டிருந்தது. புகாரின் பேரில் கண்காணிப்பு கேமரா காட்சிகளை ஆய்வு செய்த போலீஸார், பாலாஜியை அடையாளம் கண்டு கைது செய்தனர். இவர் இதேபோல் பலரிடம் நூதன முறையில் பணம் திருடியது விசாரணையில் தெரியவந்துள்ளது.

செய்தி மூலம்: இந்து தமிழ் திசை