வேலூர் தொரப்பாடி ஏரி கால்வாயில் வெள்ளத் தடுப்புச் சுவர்: ஆட்சியர் ஆய்வு

வேலூர் தொரப்பாடி ஏரியிலிருந்து உபரி நீர் வெளியேறும் கால்வாயால் குடியிருப்புப் பகுதிகளில் வெள்ள பாதிப்பு ஏற்படுவதைத் தடுக்க, தடுப்புச் சுவர் கட்ட திட்ட மதிப்பீடு தயார் செய்யுமாறு மாவட்ட ஆட்சியர் லீலா அலெக்ஸ் உத்தரவிட்டார்.

ஆட்சியர் நேரில் ஆய்வு செய்தபோது, வெள்ள நீர் குடியிருப்புக்குள் புகுவதைத் தவிர்க்க தேவையான இடங்களில் தடுப்புச் சுவர்கள் கட்டவும், கால்வாய் பாதையை முறைப்படுத்தவும் அதிகாரிகளுக்கு அறிவுறுத்தினார். இந்த ஆய்வின்போது வேலூர் எம்எல்ஏ வினோத் மற்றும் துறை சார்ந்த பொறியாளர்கள் உடனிருந்தனர்.

செய்தி மூலம்: இந்து தமிழ் திசை