தீவிர வெப்பம் மற்றும் பலத்த காற்றினால் பிரான்ஸ் மற்றும் ஸ்பெயினில் ஏற்பட்டுள்ள காட்டுத்தீ காரணமாக 3 லட்சத்திற்கும் அதிகமான மக்கள் தங்கள் வீடுகளை விட்டு வெளியேறியுள்ளனர். பிரான்சின் ஜிரோண்ட் மற்றும் லேண்ட்ஸ் பகுதிகளில் சுமார் 3,05,000 பேரும், ஸ்பெயினின் மாட்ரிட் மற்றும் அவிலா பகுதிகளில் சுமார் 60,000 பேரும் பாதுகாப்பான இடங்களுக்கு மாற்றப்பட்டுள்ளனர். வலென்சியா அருகே உள்ள மனிசெஸில் ஒருவர் உயிரிழந்துள்ளதாக அதிகாரிகள் உறுதிப்படுத்தியுள்ளனர். தீயை அணைக்கும் பணியில் மீட்புக் குழுவினர் தீவிரமாக ஈடுபட்டுள்ளனர்.
போர்டோ அருகே தீயைக் கட்டுப்படுத்த முடியாமல் திணறுவதாக பிரெஞ்சு தீயணைப்புத் துறையினர் தெரிவித்துள்ளனர். நிலைமையைச் சமாளிக்க பிரான்ஸ் ராணுவத்தினரை களமிறக்கியுள்ளதுடன், ஐரோப்பிய ஒன்றியத்தின் சிவில் பாதுகாப்பு பொறிமுறையைச் செயல்படுத்தி பிற நாடுகளின் உதவியையும் நாடியுள்ளது. பாதுகாப்புப் பணிகளை ஒருங்கிணைக்க டூர் டி பிரான்ஸ் சைக்கிள் பந்தயத்தின் இறுதிப் பகுதி சுருக்கப்பட்டுள்ளது. இதற்கிடையில், ஸ்பெயினில் இந்த ஆண்டு மட்டும் 1,30,000 ஹெக்டேர் நிலம் தீயில் கருகியுள்ளதாக பிரதமர் பெட்ரோ சான்செஸ் தெரிவித்துள்ளார். காட்டுத்தீ சீசன் முன்னதாகவே தொடங்கியுள்ளதால், வரும் நாட்களில் பாதிப்பு மேலும் அதிகரிக்கக்கூடும் என ஐரோப்பிய ஒன்றியத்தின் நெருக்கடி மேலாண்மை ஆணையர் ஹட்ஜா லஹ்பிப் எச்சரித்துள்ளார்.
0விருப்பங்கள்
2விருப்பமின்மைகள்
