பெருவில் 6.7 ரிக்டர் அளவில் நிலநடுக்கம்

பெரு நாட்டின் தெற்கு ஆண்டிஸ் மலைப்பகுதியில் வியாழக்கிழமை 6.7 ரிக்டர் அளவில் நிலநடுக்கம் ஏற்பட்டது. உள்ளூர் நேரப்படி மதியம் 1 மணிக்கு ஏற்பட்ட இந்த நிலநடுக்கம், 66.7 கிலோமீட்டர் ஆழத்தில் மையம் கொண்டிருந்ததாக அமெரிக்க புவியியல் ஆய்வு மையம் தெரிவித்துள்ளது.

இந்த நிலநடுக்கத்தின் மையப்புள்ளி, அயகுச்சோ பிராந்தியத்தின் பரினாகோச்சஸ் மாகாணத்தில் உள்ள உபாஹுவாச்சோவிற்கு வடமேற்கே 38 கிலோமீட்டர் தொலைவில் அமைந்திருந்தது. இக்கா மற்றும் அரேகிபா உள்ளிட்ட பல பகுதிகளில் நில அதிர்வு உணரப்பட்டது. இருப்பினும், இந்த நிலநடுக்கத்தால் ஏற்பட்ட பாதிப்புகள் குறித்த உடனடி தகவல்கள் எதுவும் வெளியாகவில்லை. பசிபிக் பெருங்கடலின் 'ரிங் ஆஃப் ஃபயர்' பகுதியில் அமைந்துள்ள பெருவில், நிலநடுக்கங்கள் ஏற்படுவது வழக்கமான ஒன்றாகும்.